ఒక్కడే బయట మంచం మీద కూర్చుని చెమటలు కక్కుతున్నాడు . నేను పడుకోలేదు . బయటికి వఛ్చి చూసేసరికి దోమతెరలో కూర్చుని చెమటలు పడుతూ నిస్సహాయంగా ఉన్నాడు .
గాలి సరిగా లేదు , ఉక్కపోత కాబోలు అనుకుని టేబుల్ ఫ్యాన్ పెట్టాను . ఎందుకు అలా వున్నావు అని అడిగితే ఏమీ మాట్లాడట్లేదు .
మళ్ళీ నా పనిలో నేను ఉండిపోయాను .మళ్ళీ కాసేపయ్యాక బయటికి వఛ్చి చూస్తే అలాగే ఆందోళనగా ఉన్నాడు . దోమ తేర తీసేసా గాలి బాగా తగులుతుందని ! , చెమటలు కక్కుతున్నాడు . ఈసారి వాటర్ కూలర్ పెట్టా , ఐనా అదే స్థితి . చూస్తుండగానే వాంతి చేసుకున్నాడు . బహుశా అజీర్తి వల్ల అనుకున్నా , అడిగితే గుండెల్లో నొప్పి అని చూపించాడు . నాకు ఇంకా అనుమానం రాలేదు .
ఎప్పటి నుంచో మణికట్టు వద్ద నొప్పి అంటున్నాడు , కానీ ఛాతీలో గానీ, చేయిలో గానీ నొప్పి లేదు .
ఇంతకూ ముందు చాలాసార్లు అమ్మకి అలానే నొప్పి వచ్చేది కానీ గ్యాస్ట్రిక్ సమస్య వల్ల .
నాన్న ఆరోగ్యం విషయంలో అందరి కంటే జాగ్రత్త ఎక్కువ , కానీ సిగరెట్ అలవాటు ఉంది .
బాల్యం నుంచి మాంస భోజన ప్రియుడు , మరి శ్రీకాకుళ వాసి కదా !
నొప్పికి తాళలేక నేలపై పడుకున్నాడు . నిమ్మకాయ నీళ్లు ఇచ్చాం . ఐన నొప్పి తగ్గట్లేదు .
rabeprazole టాబ్లెట్ వేయించా , ఐన మార్పు రాలేదు . వళ్లంతా చెమట , అమ్మ చెప్పింది కాళ్ళు చల్లగా ఉన్నాయని . నాకు అనుమానము వఛ్చి చేతి నాడి పట్టుకున్నా . చాలా ఉబ్బెత్తుగా ఉంది మణికట్టు వద్ద సిరల రక్తనాళం . రక్త పీడనం ( బీపీ) కొలిస్తే 130/90 ఉంది . ఇక వెంటనే ఎమర్జెన్సీ కి వెళ్లాలని అర్థమయ్యింది . నాన్న సామాన్యంగా అయితే ఆసుపత్రి అంటే అస్సలు కదలడు . కానీ ధైర్యం చేసి అడిగాను , ఎక్కడికి , ఏ ఆసుపత్రికి అన్నాడు ? .దీనికి ముందే ఈలోపు నా అద్దె తమ్ముడు నాగరాజు కి ఫోన్ చేసి నాన్నకి నొప్పి వస్తుంది ఎక్కడికి తీసుకెళ్తే మంచిది అని అడిగాను . తాను పని చేస్తున్న ఆంధ్ర హాస్పిటల్స్ కి రమ్మన్నాడు .
ఆంధ్ర ఆసుపత్రికి అని నాన్నకి చెప్పాను , కాదు ప్రభుత్వ ఆసుపత్రికి వెళదాం అని చెప్పాడు . సరే వెంటనే బైక్ మీద కూర్చోబెట్టుకుని ఎన్టీఆర్ govt ఆసుపత్రికి వెళ్లాను , కానీ అక్కడ ఒక్క మనిషి కూడా లేదు .
COVID -19 బ్లాక్ ఒక్కటే తెరిచి ఉంది కానీ ఒక్క పేషెంట్ కూడా లేడు , కనీసం ఒక్క watchman కూడా లేదు నాన్న
కామెంట్‌లు లేవు:
కామెంట్‌ను పోస్ట్ చేయండి